Байцы «Азова» пры дапамозе дронаў і танка адбілі штурм расейцаў пад Тарэцкам

• 9.01.2025, 20:11

Відэа.

Украінскія воіны з брыгады «Азоў» адбілі штурм расейцаў на Тарэцкім кірунку. Абаронцы выкарыстоўвалі дроны і танк.

Пра гэта паведамляе «Азоў» на YouTube.

Як адзначылі ў «Азове», акупанты пайшлі ў наступ на пазіцыі ўкраінскіх абаронцаў на Тарэцкім кірунку. Вораг задзейнічаў некалькі адзінак бронятэхнікі, у тым ліку БМП і МТ-ЛБ.

Варожую тэхніку пачалі знішчаць яшчэ на пад'ездзе да пазіцый пры дапамозе ўдарных дронаў. Пасля гэтага ў абароне скарысталі баявы экіпаж танкавага батальёна, які зачышчаў акупантаў у знішчанай забудове.

«Вораг не спыняе спробаў наступу на Тарэцкім кірунку. «Азоўцы» робяць усё магчымае, каб стрымаць ворага і знішчыць як мага больш цэляў», – сказана ў паведамленні «Азава».