Партызаны высветлілі, на што ідуць расейцы, каб не патрапіць у штурмы на Херсонскім кірунку

• 1.02.2025, 15:41

Сабатаж прыняў цікавыя формы.

Каб не ісці на штурмы на Херсонскім кірунку, расейцы звяртаюцца да хітрыкаў. Яны спецыяльна ламаюць аўто і марудзяць з подпісам важных дакументаў.

Пра гэта паведамляе Telegram-канал партызанскага руху «АТЕШ».

«Сярод вайскоўцаў 205-й мотастралковай брыгады, дыслакаванай у раёне Таўрыйска, расце колькасць сабатажаў і адмоваў выконваць загады камандавання», – гаворыцца ў паведамленні.

Напрыклад, адказныя за ўзбраенне і лодкі вайскоўцы, марудзяць з падпісаннем накладных, свядома дапускаючы мноства памылак у дакументах.

«Гэта замінае нармальнаму забеспячэнню і запавольвае падрыхтоўку да баявых аперацый», – кажуць у «АТЭШ».

А кіроўцы, у сваю чаргу, ламаюць аўтамабілі і не спяшаюцца іх рамантаваць, спасылаючыся на нястачу запчастак і складанасць рамонту.

«Усё гэта робіцца з мэтай атрымаць час перад ратацыяй і дачакацца, пакуль падраздзяленне не адвядуць у тыл. Камандаванне сутыкаецца з усё большым супрацівам, і ўзровень сабатажу ў войску РФ прадаўжае расці», – канстатуюць партызаны.