В ожидании приговора

• Александр Борозенко
• 18.04.2008, 18:00

Проходящий сейчас в Минске “Процесс 14-ти” вызывает противоречивые эмоции и мысли...

Першае параўнанне, якое прыходзіць гледзячы на ўсё гэта, безумоўна звязанна з цыркам. Інакш як цыркам не назавеш ні абвінавачванні выдвінутыя падсудным,ні тое,што гавораць так званыя “сведкі” у залі паседжання…Грамафон ад міліцыянта Бляшчова безумоўна яшчэ доўга не сыйдзе са старонак ЖЖ.

Але гэта ўсё было б вельмі смешна,калі б не было так сумна… І тут на розум прыходзіць іншае параўнанне…з Курапатамі! Параўнанне вельмі жорсткае,але,на мой погляд, бачнае…

Так, ніхто нікога пакуль ,дзякуй Богу, не забівае тысячамі і не звальвае у адну яму…але тое,што зараз робяць улады- гэта спроба узвесці “свае Курапаты”! Яны спрабуюць паставіць 14 крыжоў на лёсах людзей, крыжы здароўю бацькоў ды родных падсудных, крыжы на нашых марах пра лепшае жыццё ды зьмены ў Беларусі. Бо мінавіта тыя, хто зараз на лаўцы падсудных, тыя, хто чакае іх каля будынку суду і слухаюць абраздівую лаянку АМАПаўцаў,тыя дзяўчыны і сябры,думкі якіх зараз з падсуднымі-мінавіта гэтыя людзі мусяць прынесьці зьмены ў наша жыццё. Гэтыя людзі –будычыня нашай краіны і нашага народу!

Гэтыя “новыя Курапаты” будуюцца ўжо ня першы год…На гэтай жудаснай будоўле ўжо не адзін крыж…Крыж Завадскага,крыж Красоўскага,крыж Казулінай…

Гэтыя Курапаты ня маюць адзінага месца знаходжання! Яны ў сэрцах ды галовах людзей…”Новыя Курапаты”-гэта агульны страх!

Але хопіць аб сумным!..

Спадзяюся,што гэтых людзей зламаць не атрымаецца. Шмат каго з падсудных ведаю асабіста…Галоўнае зараз не спыняць змаганне,знайсці у сябе моц,каб застацца і працягваць сваю справу! Трэба зразумець,што такія дзеянні ўлад-прадсмяротная агонія…

Яны напужаныя! Яны спрабуюць зламаць лепшых…Трэба гэта зразумець і не даваць ім мажлівасці гэта зрабіць! Трэба быць моцнымі і годна трымаць удар,бо “усё,што нас не забівае-робіць нас мацней!”

Трымайцеся,сябры!

Чакаем прысуду….

Даведка: У акцыі прадпрымальнікаў у цэнтры Менску супраць прэзыдэнцкага ўказу №760, якая адбылася 10 студзеня сёлета, бралі ўдзел ад трох да пяці тысяч чалавек. Некалькі дзясяткаў былі затрыманыя і зьбітыя. Супраць 14-ці выстаўлены крымінальныя абвінавачаньні ва ўдзеле ў масавых беспарадках. Вось іх імёны. Аляксандр Баразенка, Аляксей Бондар, Павал Вінаградаў, Максім Дашук, Арцём Дубскі, Андрэй Кім, Антон Койпіш, Міхась Крываў, Міхась Пашкевіч, Алесь Стральцоў, Міхась Субач, Уладзімір Сяргееў, Алесь Чарнышоў, Тацяна Цішкевіч.

Аўтара артыкулу Аляксандра Баразенку, Паўла Вінаградава, Міхаіла Субача і непаўналетняга Максіма Дашука будуць судзіць пазьней. Яны не пасьпелі своечасова азнаёміцца з матэрыяламі крымінальнай справы, таму працэс над імі перанесьлі на нявызначаны тэрмін.